WARATTE!

مرحبااااا ^^ 
اخيرا خلصت الدراسة الجامعية ولا رجعة فيها... الحمد لله!!
ان شاء  الله استنوا منى تدوينة هاتكلم فيها عن مرحلة حياتى التعليمية، وازاى انتهت هذا الانتهاء العظيم XDD
بسمع اغنية Waratte لـ Hanako Oku وانا بكتب التدوينة دى، عشان كده هتلاقوا كلامى مليان تفاؤل وسعادة مريبة XDD
المهم وحشنى الكتابة هنا، محدش بيقراه فبالتالى ده بيدينى الفرصة اكتر انى اتكلم براحتى ^^ 
فعلا لما الواحد بيفتكر الحااجات الحلوة اللى فى حياته بيحمد ربنا كتير، لان مش عشان حاجة مزعلاك او مضايقاك او زعلان من حد نروح قرفانين من نفسنا ومن اللى حوالينا...
لما تضايقوا حاولوا تبصوا للسماء او لاى منظر طبيعى، او لحد سعيد فى الشارع او فى اى مكان، وافتكر النِعم اللى ربنا مدهالك من صحة او ذكاء او ناس بتحبك، وافتكر انك لازم ترضى ربك، وقولوا "الحمد لله" كتير، وابتسموا حتى لو مش عايزين، الابتسامة بتريح ^^ ...وادعولى بعدها!! ^___^ 
ولو عارفين الكلام ده من قبل ما اقوله، فعادى ادعولى بردوا!! XDD
وWARATTE! 

!!Tic-Toc

Holaaaaaaa, Amigooooos!!!
مش هاكرر جملة بقالى كتير مجتش هنا عشان زهقت منها XDDDD
كيف حالك أيتها المدونة العزيزة؟؟ :v
من فترة كنت حزينة عشان الدراسة رجعت تانى، بس دلوقتى خلاص انا داخلة على مرحلة الامتحانات الاليمة..
نفسى اعدى على خير بقى، الواحد زهق من الموضوع ده وعايزة اخلص منه TT^TT
اللى ناقص بس هو انى اذاكر وده اللى مش عارفة اعمله :v ...اذا حد عنده حل لمشكلتى دى يقول هااا!!! XDDD

احباط مؤقت ولطيف XDD

14 فبراير اشر يوم فى التاريخ، ودا لانى هارجع تانى للملل والكابة والتعاسة والحزن والشقاء، أى للكلية يا رفاق!! ب_ب

مش قادرة اصدق ان خلاص الاجازة الكاوايى هتخلص ب_ب ..خليكى شوية اجازة-سان!! *^*

حرااام!! ب_ب 

سايوونارراااااااااااا!! (ب_ب)\

كتب المعرض

اوهايوووووووووو مينااااااااااا!! (*0*)\
الواحد رجع امبارح مكسر وبايظ من كتر اللف فى المعرض، وانا ككائن اوتاكو وملوش فى جو الكتب الجديدة اللى بتنزل الايام دى..
فقررت اتجه مباشرة لسور الازبكية...احسن مكان فى المعرض والله ويليه نهضة مصر *اللى للاسف مدخلتوش المرة دى*..
الجو كان حر جدا ويمكن دا السبب اللى مخلينااش نطول فى اللف وروحنا بدرى *احسن حاجة عملناها*.. المعرض بقى اى حد بروحه، اللى يسوى واللى ميسواش بمعنى اصح، زمان كان احلى عن دلوقتى، كله دلوقتى رايح عشان يتصور سيلفى ويحط صورته ويكتب كان يوم روعة مع اصحابى فى المعرض وfeeling اى هباب.. عامة بعيدا عن الكائنات دى، اانا استمتعت امبارح اوووى، جبت تقريبا معظم الكتب اللى كنت رايحة المعرض عشانها، ودى هتكون اخر مرة  هاروح فيها المعرض خلاص، لما اعوز كتب معينة هابقى اروح على سور الازبكية اللى فى العتبة والمكتبات اللى فى السيدة زينب احسن، مادام بروح المعرض عشانهم..
اصل مبلاقيش كتب المانجا غير منهم *المانجا كوميكس يابانى*...
وزى ما وعدتكم بانى هاوريكم اللى جبته من المعرض، فانا الحمد لله طلعت منه ب10 كتب بس  XDD
وهم كما يلى: 



1) دا light novel لانيمى كل الاوتاكو يعرفوه وهو Digimon، الواحد فرح اوووى لما لاقاه فى المعرض.. *ن*
2) مانجا Kingdom Hearts، معتقدتش ان ليها مانجا اساسا لانى اعرفها كلعبة، بس كانت احلى مانجا من المانجات اللى فى المعرض كله..
3) دا غنى عن التعريف طبعا، هـــارى بووووتر *0* ...دا الجزء الاول بالانجليزى، ما انا الصراحة كان لازم فى يوم من الايام اشترى النسخة الانجليزية.. شكله عظيم الغلاف! *^*
4) دا مجلد فيه اربع كتب لكرتون قديم اسمه Kim Possible، ولاقيت فى عدد متكرر =0= !!
5) دا كتاب لفيلم The man in the iron mask، اظن ان اللى تقريبا عارف او شاف الفيلم ده هيعرف الكتاب ده.. ^^
6) الكتاب الوحيد لحد مصرى اجيبه، عشان متابعة حكايات الكاتب على صفحته وبتضحك اووووى، بجد كتاب مسلى!! XDD
اسمه بالطو وفانلة وتاب...
7) دول بقى مجلتين او كوميكس بردوا بس للجاسوساااااااااااااااااااااااااااااااااات  ولاقيت جواها الحلقة بتاعت مارتن لما كان معاهم! /(*0*)\
8) عدد قديم من مجلة كرتون نتورك، غنية عن التعريف طبعا..
9) دول بقى اللى كنت هاعيط لما اشتريتهم، مجلة لكرتون W.I.T.C.H لانه زى الجاسوسات، من الكرتوتات اللى اثرت فى طفولتى العظيمة، قصته واغنيته معششين فى مخى حتى  وقتنا هذا ^___^ !!
____
بجد كان يوم مليان بالمواقف العظيمة، بس مش هاكرره تانى... ^^
مش لازم حد يروح المعرض ويشترى كتب مهمة اوووى عشان يبان انه مثقف او حتى بيقرأ، اشترى الكتب اللى تفرحك وبس..
جانا~ (^.^)\

*|*Dos mil dieciseis*|*

كونيتشووووووووووووووووووووووواااااااااااااااااااااااااااااااااااااااااااا مينااااااااااااااااااااااا ^0^
ليها وحشة المدونة بجد ^^ الواحد بقاله كتير مكتبش حاجة هنا، معرفش ايه الكسل ده!! XDD
لاحظت حاجات غريبة لما رجعت، تعليقات محذوفة وزيارات زايدة.. *0*
خلصت الامتحانات من فترة ولسه النتيجة مظهرتش، الواحد مقلق من تلات امتحانات (دى عامية محدش يصححهالى XD )
يا رب اعدى الترم اللى فات ده على خير..
تقريبا دى اول تدوينة ليا فى السنة الجديدة، وبالرغم من انى لسه معملتش انجازات فى بدايتها بس متفائلة ^^
مازلت مش عارفة اشوف انيمى ._. !! بس ان شاء الله رايحة حفلة فيها تبادل انيمى *0* بفلاشة4 جيجا ._. !!
بس متفائلة بانى الاقى الانيمات حجمها قليل /(*0*)\ 
وان شاء الله رايحة بكرة معرض الكتاب *واخييييييييرا* وان شاء الله لما ارجع هابقى احط صور للكتب اللى اشتريتها *قالك بتعمل كده تشويق* (*ن*)\
-----
من الاخبار اللى فضلت مزعلانى لغاية دلوقتى كان وفاة Alan Rickman.. شخصية بجد عظيمة ومش هتتعوض تانى!!
فلترقد فى سلام!! (;_;) \**
-----
بدأت اذاكر انجليزى بلكنة لندنية XDD دا الواحد اتصدم بجد لما عرف ان فيه لكنات عديدة حتى فى اللكنات البريطانية!!
اتصدمت بجد يعنى XDD ..بس ان شاء الله هاركز على Estuary English اولا لانها ممتعة وعجبتنى، وثانيا عشان لاقيت ليها فيديوهات كتيرة ممكن اتعلم منها! XDDD 
وخلصت اول مقال ليا على ويكيبيديا *ن* .. اه والله!! بس بفكر اكمل عليه من كتب عشان يكبر واخد عليه جايزة كبيرة *مادية* :v
-----
اتمنى السنة دى تبقى سعيدة عليا وعلى كل اللى اعرفهم واللى معرفهمش، وبما انى مش عارفة اتكلم عن ايه تانى، فهاقفل التدوينة عشان زهقت... نفسى ارجع اتكلم عن الانيمى  TT^TT

أشياء مفرحة

حصلتلى حاجات كتيرة حلوة الفترة دى...
امبارح مثلا وانا بلف مع صاحبتى فى المكتبات، لاقيت صدفة دمية لشخصية بحبها جداااااااااااااااااااااااااااااااا
الواحد اه خسر فلوس وكان هيشحت لاخر الشهر، بس الدمية تستحق بقى *ن*
لوفى يا جماعة انتو بتقولوا ايييييييه!! *3* 

لا وكمان بدأت اشوف انيمى نوعا ما.. بدأت اشوف انيمى One Punch Man
انيمى عظيم يا جدعان، بيضحك اووووى XDDD
واكلت نودلز بصوص يابانى كمان *ن* ..

وجبت سكرين جديدة للموبايل المنيل *0*
بجد حصلتلى حاجات جميلة ^^ ...واكلت موز XDD
مش لازم الحاجة تبقى كبيرة اووى عشان نفرح بيها يعنى :v

Otaku desu

بحب اووى يوم الاربعاء بعد الساعة 4؛ ودا لانى من بعد الساعة 4 باخد حريتى اللى بتستمر يومين وتلت ربع يوم XD

*الاجازة الاسبوعية بالنسبة لى* ... بفكر بقى اذاكر بجدية اكثر، واشوف انيمى بقى TT^TT ...

الواحد حياته بقت نوعا ما مستقرة ومتزنة، اى نعم فى مشاكل سكانية وشوارعية *اى من الشارع* :v

بس بردوا الواحد مش حزين زى الاول.. ^^

قابلت صديقة قديمة من ايام الثانوية النهاردة، وادتنى شوكولاتة ^^ 

البت اتخطبت يا جدعان... *0* 

الواحد بيحس انه عجز لما بيعرف ان حد من اصدقائه او زملاء الجامعة اتجوز او اتخطب..

اى نعم بردوا مش بحس بحكاية العمر دى XDD بس بردوا بحسها يا ناس XDD 

ولكن سأظل اوتاكو فور ايفر *3* 

هاقوم ادور على كومنتاريو للقصيدة بقى :v

!Adiós¡