اول تدوينة لعام 2015

اكتب عن ايه :v مش عارفة الصراحة XDDD 
و بما انى قررت انى لازم اكتب حاجة النهاردة، يبقى هاكتب!! *0*
امممم، اكتب عن ايه بقى؟!!! :v 

حسنا حسنا~ :v
هاكتب عن الانيمات اللى شفتها والخاصة بالموسم اللى احنا فيه، اى موسم الشتاء..

وباين الموضوع هيطول    
اذا..
فلنبدأ..
اول انمى هاتكلم عنه هو Binan Koukou Chikyuu Bouei-bu Love!

اى حد شاف صور ليه، او شاف الtrailer بتاع، هيقول عليه انه انمى سخيف، او مقرف، عشان فكرة الماهو شونين دى..
وانا كنت من الناس اللى قاله كده وضحكت كمان صراحة، لكن بعد ما شفت اول حلقة، فكرتى اختلفت فعلا..
يعنى هو اه فكرته طفولية شوية، وهى انه فى ابطال بيهزموا الشر كل حلقة بقوة الحب..
لكن القصة ممتع بالرغم من ذلك..
وكمان حكاية الراجل الميت اللى بيقعد معاهم ده بيضحكنى اوووى XDDD
وطبعا مينفعش اعطيه حكم من قبل ما اخلصه تماما، هو اتعرض منه حتى الان 4 حلقات بس... 
بس حتى الان، الموسيقى شايفاها ممتعة، ومش بمل من سماعها ابدا، واول ما هتنزل هاحملها اكيد..
اما الرسم، ما هو اكيد مش ممتاز 100%، بس جيد ومش وحش، يعنى صراحة رسم الشخصيات فيه جميل ^^ ..
وكمان جو الالوان دى كاوايى كده، يمكن عشان فكرته هى الخير، فلازم يبقى ملون كده :v ..فكرة مش بطالة بردوا..
طبعا الحلقة الرابعة كان فيها مشهد ليهم وهما فى الحمام العام، فيعنى اللى قرر يشوفه، يخلى باله من المشاهد دى..
اقول ايه تانى عنه، مفيش حاجة فى عقلى ممكن تتقال عنه تانى.. يووووش، فلننتقل للانمى الاخر..

تانى انمى هاتكلم عنه هو يعتبر من الانيمات القريبة الى قلبى، ودا لانى شفت اول جزء منه وقدر يأثرنى الصراحة
هو Aldnoah.Zero 2nd Season

يعنى من كتر ما هو رائع، كلامى عنه مش هيخلص، ومعرفش نهاية الجزء التانى هتبقى عاملة ازاى، لان بكل بساطة، الانمى ده مش هتقدر تتوقع له نهاية ااابدا.. لما شفت الجزء الاول، توقعت نهاية ليه، لكن لما شفت الحلقة الاخيرة، اندهشت جدا، وكان توقعى بكل بساطة، خاطىء..
اللى كان خلانى اشوف الانمى ده هى فرقة غناء يابانية اسمها Kalafina ..وهى تعتبر فرقتى المفضلة، وكانوا عملوا اغنية الOP الخاصة باول جزء، وهو دا السبب اللى خلانى اشوفه..
بس طبعا من اول حلقة، القصة كمان هى اللى جذبتنى...يعنى بيتكلم عن حرب ما بين المريخ والارض، بس طبعا مش عشان قلت كده، دا معناه انه هيبقى كله حرب، ولكن العكس، دا شامل من كله، من حرب وانتقام ومشاعر كتيرة فى انمى واحد *^* 
قصة معمولة بحبكة عبقرية، من حيث التخطيط ومن كل شىء، يعنى البطل اللى هو ايناهو ذكى جدا بطريقة غريبة، تخليك تتنرفز كده :v 
الموسيقى، مفيش كلام اساسا 10 من 10 *0* ...دى جباااارة، اذا كان اللى عامل الOST هو نفسه اللى عمل OST انمى Shingeki no Kyojin

ام الرسم، فلا غبار عليه، بجد متقن الى ابعد الحدود، يمكن باهول فعلا XDD بس انا شايفاه كده الصراحة *^*
لانه انمى ميكا، فاكيد لازم يكون متقن، عشان الالات الحربية وكده، بس بجد رائعة *^* ...

ندخل على الانمى التالت اللى بشوفه من الموسم ده..
وهو Ansatsu Kyoushitsu

انمى كوميدى واكشن فى نفس الوقت، ودا يعتبر من الانيمات اللى بتخليك مستمتع بوقتك كده وانت بتشوفه..
بيتكلم عن فضائى شبه الاخطبوط كده، دمر القمر وخلى شكله هلال للابد، وهدد بتدمير الارض اذا مخلهوش مدرس لفصل معين والفصل ده لازم يجربوا انهم يقتلوه..
وانا لما شفت الtrailer فكرته هيبقى اكشن بقى ورعب XDDD
بس العكس، كورو-سينسى، شخص كاوايى اوووى، وعطوف اتجاه طلابه اللى المفروض يقتلوه XDDDDD
بجد قصة ممتعة، واتمنى انه فى النهاية ميمتش!!

الموسيقى جميلة، بس لسه مأثرتنيش اوووى...

اما الرسم، فبجد جميل، وكل ما افتكر ان بطل القصة "ناجيسا" ولد، بندهش.. :v !!

هادخل على رابع انمى، اللى هو Saenai Heroine no Sodatekata

مكنتش هاشوفه :v ..مش عشان حاجة، بس قلت ان القايمة اللى بشوفها حاليا طويلة اوووى، يعنى فوق ال10 انيمات اللى بشوفهم..

بس اول ما صاحبتى قالتلى على انه انمى للمانجا اللى انا بقرأها، من غير كلام تانى، روحت على طول شغلت اول حلقة وبدأت اشوفه من ساعتها، المانجا بتاعه رسمها متقن الى ابعد الحدود، وكمان الشخصيات فيها كاوايى جدا ^^ ...

والرسم، حاسة ان رسم المانجا احلى من رسم الانمى..

وكمان ان الابطال اوتاكو  دا فرحنى اووى اووووى ^0^ 

لسه مركزتش اوووى مع الموسيقى..

خامس انمى هاتكلم عنه، هو..

Tokyo Ghoul √A

يعنى اكييييييد كلكم عرفتوا انا هاتكلم عن ايه، عن الجزء التانى من طوكيو جول...

الانمى المميز فى قصته، كل اللى شافوه اضايقوا عشان مش زى قصة المانجا وعشان مفيهوش اكشن كتير..

انا بقى عكسهم، شايفة ان القصة جيدة جدا، والانمى نفسى اكتر من انه اكشن، يعنى تخيلوا لو القصة حقيقية، وفى كانيكى حقيقى

هتعتقدوا ان القصة كانت هتبقى اكشن فى الواقع، اكيد لأ، كانيكى كان بيعيش الواقع اللى بقى فيه، ومش قادر عليه، اما فى الجزء التانى..

كانيكى اتغير كليا، بس مازال فى جزء منه مش ظاهر، ليه راح مع الجماعة دى، وليه مضايق!!!

الموسيقى روووعة، المشكلة اللى ضايقتنى هى اغنية الOP، مكنتش حلوة زى بتاعت اول جزء، بل مملة جدا، مدخلتش مخى..

اكيد فى ناس عجبتهم، بس معجبتنيش انا...

الرسم بقى احسن واحلى، بس طبعا فى مشاهد مكنش الرسم فيها قووى جدا، لكن مشاهد كانيكى، بيبقى الرسم فيها عالى جدا..

سادس واخر انمى بشوفه من انيمات موسم الشتاء هو..

Death Parade

حسنا، القصة دى غريبة اووووى، يعنى ايه ناس يموتوا ويروحوا مكان يلعبوا لعبة عشان يتحدد ما اذا كان هيرجعوا فى جسم جديد، ولا يروحوا عالم الظلام!!!

طبعا انا مش بحب اتعمق فى القصص اللى فى النوع ده من الجانب الدينى..

بس الاثارة والغموض فى القصة هو اللى شدنى ليها جدا...

طبعا لسه مظهرش كل شخصيات الانمى، بس من اول حلقات وكل شخصية ظهرت فيه ظهرت وبقوة..

الموسيقى الخاصة بالانمى جميلة، وعجبتنى زى  ما عجبتنى كل موسيقات الانيمات اللى فاتت..

الرسم هنا مجتهدين فيه، ودا طبعا ملحوظ...

....

كان نفسى اتعمق فى كلامى اكتر، بس انا مش من النوع اللى بيستحمل الكتابة الكتيرة، فحاولت الخص بقدر الامكان :v 

واخييييييييرا وصلت للنهاية، اتمنى ان يكون حد قرأ الكلام ده كله، عشان مكنش كتبته على الفاضى =3= 

دا شكلى دلوقتى وانا بكتب والله XDDDD

الساعة قربت على 11 بالليل، والمفروض هاروح بكرة معرض الكتاب وعايزة اناااااام

Quiero dormir muchooooo

لهذا، اراكم قريبا، فى تدوينة بعيدة XDDDD

~おやすみ~

!Keep Moving Forward

طول ما احنا عايشين، يبقى لازم نسعى ورا حلمنا، احنا مش موجودين فى الحياة دى بس عشان ناكل ونتفرج على انمى، او عشان نخرج مع اصحابنا وبس، احنا موجودين عشان اسباب اسمى من كده بكتييير...
بالنسبة لى، وجودى فى الحياة معناه انى اثبت نفسى للمجتمع، وان احلامى مش مجرد خيالات من عقلى الباطن، بل واقع وقريب جدا هيتحقق، وكمان مش للمجتمع بس، بل ليا انا ايضا...
يمكن حاليا انا كائن كسول ومش بيفكر غير فى الاكل والانمى فعلا، لكن كل ما بفكر فى احلامى، دا بيخلينى اشتغل على نفسى اكتر..
واى حد بيقرأ كلامى ده دلوقتى، اتمنى انه يساعده فى تحقيق حلمه...
احلامى يمكن تكون بعيدة عنى لانى لسه ممسكتش فى الخيط بتاعها، لكن اول ما اوصل للخيط ده، هامسك فى حلمى لغاية ما اوصل لنهاية الخيط، ونهاية الخيط معناه تحقيقى لحملى..
حلمى محتاج انى اكد واعمل واسعى ورا كل كلمة وكل وعد وعدته لنفسى، ووعدته لناس تانية اعرفها...
نفسى بجد انى احقق كل احلامى!!
______

فى فيلم كل ما بشوفه بيفكرنى بالكلام ده، واعتقد عنوان التدوينة دى لمح لكم على انى فيلم بتكلم عنه.. ^^
اجل، فيلم Meet the Robinsons

الفيلم ده عبارة عن اداة تحفيز بالنسبة لناس كتير غيرى وليا كمان، اتمنى اللى مشفهوش يبقى يشوفه، لانه يستحق وقتك..

اسعوا ورا حلمكم رجاءا، انا متطلعة لكل احلامكم المستقبلية العظيمة.... ^^
كل العظماء بدأوا بحلم بسيط...

*الاغنية دى كل ما اسمعها بحس بأمل وتفاءل، اسمعوها*

!!~College, Bakaaa

يلاااا!!، انا مش انسان طبيعى.. :v

نفسى، نفسى ولو مرة واحدة، اكون فى نفس قوة الدراسة دى...

مش عارفة ليه دايما اقول كلمة، وتحصل حاجة مختلفة لتوقعاتى...

ليه مخى الكاوايى مش بينفذ اوامرى اللى بتنيل اطلبها منه؟!!!!!!!!

انى اكرهك أيتها الدراسة الحمقاء، البغيضة...

مش عارفة ليه متبقيش ممتعة ومسلية... ليه لازم تكونى شريرة، وغريبة وصعبة ومملة، وكئيبة وبتخلينى اعيط دايما قبل كل امتحان..

ليه لازم ابقى خايفة وانا رايحة امتحن؟!!!

ليه مبقاش رايحة وانا مش خايفة من كلمة امتحان ذات نفسها؟! 

ليه مافيش مادة خاصة بالانمى *عاشت فى الجو شوية، معلش يا جماعة* 

امتى اخلص بقى، واروح اشتغل فى كنتاكى :v *اى شغلانة شريفة* :v :v 

!!PON PON PON

هى مش مغنيتى المفضلة، بس انك تلاقى حد بيعمل اغانى كاوايى وكمان سعيدة، دا يخليها حد ليه مكان دائم فى عقلى وتفكيرى، لو حابين تسمعوا اغانى  :v  كاوايى ومبهجة، يبقى لازم تسمعوا لـ Kyary Pamyu Pamyu.. هتبقى حاجة ممتعة لو ذاكرته وانتو بتسمعوا ليها، او لو كنتو مضايقين وسمعتوا اغانيها... مش لازم تسمعوا اغانى فى الحالتين السابقتين، بس اقصد انها هدخلكوا فى جو من السعادة وعدم الاكتئاب... ^^
يعنى فى اغانى ليها بتفكرنى بلحظات او حاجات سعيدة فى الحياة اللى انا عايشاها>>> تفاؤل اعنى ^^ 

ولو قرأته عن حياتها، هتعرفوا قد ايه هى عانت *مش ماديا*..يعنى مكنتش سعيدة فى بدايات حياتها، ودا يخليك فى تفكر فى البهجة اللى بتديها للناس وهى اساسا ممكن متكنش سعيدة فعلا *الله اعلم، مجرد تخمين شخصى* 

فكروا فى حياتكم، فى الجزء الايجابى بالتحديد، واحمدوا ربنا على كل لحظة فيها...

دى اكتر اغنية بحبها ليها

*ملحوظة: هى اوتاكو وفوكالويد فان كمان*

!!Tomodachi

انا من الناس اللى مش مصدقين بوجود الصديق الدائم، او الصديق الوفى لصديقه للابد، لانى اختبرت عدة صداقات فاشلة، من ايام ما كنت فى الدراسة الاعدادية و الثانوية، ويا عالم  اللى معايا فى الكلية هيستمروا معايا ولا لأ...

بس من صميم قلبى اتمنى ان يكون فى حد من اللى اعرفهم دلوقتى هى

صديقتى المنتظرة..

صداقات الانمى بجد رااائعة، بتلاقى الصديق بيضحى من اجل صديقه، او انه بيحب يساعد صاحبه فى اى مشكلة مهما كانت..

او بيبقى من صغرهم اوفياء لبعض، ويضايقوا اوووى لو حد جرح كرامة صديقه... وكمان بتلاقيهم عارفين بعض لدرجة شبه اخوية..

وكمان ممكن تلاقيهم على طول ناطين فى بيتك، وعلى طول بيرغوا مع بعض لغاية ما يزهقوا من بعض، وميبقاش بينهم التكلف او الخجل فى التصرف... صداقة ميكسرهاش زمان ولا مكان...

مش هادعى لربنا بالصداقة، لان الجنة احسن من دا كله، بس اتمنى فعلا لو عندى صديقة زى اصدقاء الانمى كده.. ^___^

رسمى الكااوايى XDDDDDDD

دى اول مرة على تلك المدونة الميتة، انى انشر رسم ليا...
وطبعا مش على مزاجى، بس بما ان رسوماتى على اللاب، ليه محطهاش هنا.. XD
المهم، الرسمة الاولى، لتاماكى-كن ( ˘ ³˘)❤
دى رسمتها تقريبا يا فى تانية ثانوى، يا تالتة والله اعلم :v

الرسمة التانية، لشخصيتى الكاوايى والرائعة، سيباستيان-كن (｡♥‿♥｡)

اما التالتة و هى رسمة لمغنية من فرقة ClariS ... ^^ 
عجبنى رسمتها للتشيبى، فقلت اجرب ارسمها بنفسى.. 

الرسمة الاخيرة لشخصية فى انمى اسمه ليدى اوسكار..
انا لسه متفرجتش عليه، بس صاحبتى اللى اقترحت عليا انى ارسمه.. 

وبكده اكون وريتكم رسمى الرائع XDDD *الغرور* :v

اخر رسمة، مش انا اللى رسمتها...
لكن صديقتى اللى رسمتهالى، فى عيد ميلادى السنة الماضية *2013* 
(ღ˘⌣˘ღ)
*اريجاتو، باكا-تشان*

كلام مريب..

كمان قلت سابقا، انا كائن بيحب الانمى جدااااااااااااااااا...

ويمكن بتعرف على طول بيه.. حتى الاساتذة خاصتى، كانوا بيسمونى باسمى مضاف اليه كلمة *يابانية* من كتر هوسى باليابان والانمى...

والنهاردة هتنزل الاوفا بتاعت الانمى Kuroshitsuji ^^ بجد سعيدة...

الانمى ده بجد روووووووووووووووووووووووووووووووووووووووووووعة .. ^___^

ومحدش يفكر انى عشان بتفرج على انمى بس، دا معناه انى كائن مريض، او طفولى، لان اساسا التعبيرين دول ميليقوش على وصف الانمى، لانهم ملهمش اى صلة بيه.. ^^ 

ومش لازم اللى اعرفهم يكونوا اوتاكو او بيحبوا الانمى، طالما انهم مش هيسيئوا ليا عشان بتفرج عليه..

كل واحد وليه اهتماماته وهواياته الخاصة...