Otaku desu

بحب اووى يوم الاربعاء بعد الساعة 4؛ ودا لانى من بعد الساعة 4 باخد حريتى اللى بتستمر يومين وتلت ربع يوم XD

*الاجازة الاسبوعية بالنسبة لى* ... بفكر بقى اذاكر بجدية اكثر، واشوف انيمى بقى TT^TT ...

الواحد حياته بقت نوعا ما مستقرة ومتزنة، اى نعم فى مشاكل سكانية وشوارعية *اى من الشارع* :v

بس بردوا الواحد مش حزين زى الاول.. ^^

قابلت صديقة قديمة من ايام الثانوية النهاردة، وادتنى شوكولاتة ^^ 

البت اتخطبت يا جدعان... *0* 

الواحد بيحس انه عجز لما بيعرف ان حد من اصدقائه او زملاء الجامعة اتجوز او اتخطب..

اى نعم بردوا مش بحس بحكاية العمر دى XDD بس بردوا بحسها يا ناس XDD 

ولكن سأظل اوتاكو فور ايفر *3* 

هاقوم ادور على كومنتاريو للقصيدة بقى :v

!Adiós¡

:v

اليوم كنت خايفة يبقى بدايته سيئة بسبب حاجات حصلت امبارح، بس الحمد لله انتهت على خير..

هو اه نزلت مرتين بسبب الحكاية دى النهاردة، بس الحمد لله ^^ 

واخيييرا عملت المشروع الخاص بالمادة دى وهاسلمه بكرة ان شاء الله ^0^

كنت بجد خايفة، بس الحمد لله.. ^^

حاليا، بعمل الواجب التانى لنفس هذا الشخص.. هاقضى هذه المرحلة من حياتى فى عمل تحضيرات وواجبات دراسية وصداع وغضب :v بس الحمد لله ^^

ان شاء الله تخلص مشاكلى على خير..

نعود بقى للانيمى، باين كده والله اعلم ان مش مكتوبلى اشوف اى انيمى السنة دى، ودا بجد مزعلنى..

ممكن ابقى اشوف انيمى فى الكلية بقى وعليكم خير.. :v

هى المدونة دى هتفضل ميتة كده لامتى؟!!

*من جوايا بتمنى تفضل كده الصراحة* XDD

حرااام!!

بالرغم من انى خرجت الجمعة وانبسطت وروجعت البيت سعيدة، لكن السبت والنهاردة غيروا احساسى ده =3= 

بكره كل حاجة بتتعلق بالكلية دى >< ..المذاكرة دى حاجة بشعة والله، بذاكر كلام عشان مجرد امتحان هو اللى هيحدد مصيرى :v

لا وكمان لازم كل محاضرة انا اللى احضر ليها موادها، ودكتور لطيف جدا عايزنا نعمل ملخص فى

"سى دى"!!!

واللاب اللى اكثر لطافة منه مش راضى يدخل اى نيلة على "السى دى" TT^TT

طب اهبب ايه انا دلوقتى ب_ب

ولسه لغاية اللحظة دى مشفتش ولا انيمى واحد حتى!! TT^TT 

بداية مريبة

فى انيمى شفته زمان، اكيد اللى بيقرأ كلامى عارفينه *على ما اعتقد* ..
المهم الانيمى ده هو همتارو، مالكة الهامستر -همتارو يعنى- كانت فى اخر كل حلقة بتكتب اللى حصل فى يومها..
ويمكن دا كان السبب اللى خلانى فى اعدادى اجيب كشكول وابدأ اكتب عن حياتى اليومية..
 *مع انى مستمرتش كتير فى ده فى الاخر*  XDDD
وحاليا، وبعد ما حسيت بانى بتطور نفسيا *نوعا ما*، قررت انى هاحاول اكتب هنا يوميا، واتمنى اعرف اداوم، لانى احيانا مش ببقى قد كلمتى XDDD ...
ملحوظة: متفهموش جملة -بتطور نفسيا- دى غلط، انا اقصد بسبب حاجة يعنى خلتنى اعيد التفكير فى بعض الامور المهمة فى حياتى العظيمة :v ...
المهم النهاردة الخميس، صح؟! :v
اذا فلنبدأ ~(*3*~)
الدراسة بدأت من اسبوعين، واللى مزعلنى هو انى مستغلتش الاجازة من الناحية الانيماوية؛ يعنى مشفتش ولا واظبت على انيمى من انيمات موسم الصيف، بس هاحاول بقى ابدأ فى انيمات موسم الخريف ان شاء الله..
وعشان دى اخر سنة، حبيت ابدأها باجتهاد شوية، بس تصدقوا، من ساعة ما بقيت بذاكر جامد ومش بشوف انيمى، بجد بقيت حاسة انى فاضية كده ومش لاقية حاجة اسلى بيها وقتى!!
باين فعلا ان الانيمى كان حاجة مهمة فى حياتى.. ^^
وانا بكتبلكم دلوقتى، بحضر الترجمة اللى عليا فى الكلية *انا فى كلية اداب كما ذكرت من قبل*
وعينى بدأن تلف XDD والمفروض انى خارجة بكرة، فعشان كده عايزة افضى اللى مطلوب منى فى الكلية عشان اخرج وانا مرتاحة نفسيا، بس الترجمة لسه مخلصتهاش وبدأت اتوتر شوية.. TT^TT
بس هاحاول على الاقل اخلص نصها النهاردة ان شاء الله..
وقررت انى مكتبش عن الصداقة تانى بعد كده بشكل سلبى، لانى قررت نوعا ما مظهرش الجانب ده من شخصيتى فى اى مكان على الانترنت؛ بمعنى اصح، مش حابة انى ازعج الناس بكلام مش مهم بالنسبة لهم، وكمان مش حابة ان اللى يقرأ كلامى يتقلب عليه المواجع اللى ممكن زى اللى عندى.. ^^
اعتقد مش هاتكلم تانى فى التدوينة دى؛ عشان بقت طويلة اوووى!! :v لذلك، هانهيها..
تمت.. 
X''DDDD

* هو فيه حاجة اتغيرت فى الblog؟؟ :v *

!!Para Ti¡¡

الكلام اللى هاكتبه ده لواحدة اتمنى انها تكون بتقرأه دلوقتى...
انا معرفش انتى زى ما بتقولى متغيرتيش ولا لأ...
بس اعرفى، حتى لو لاقيتى كلامى معاكى بقى كله غضب وزعيق، دا مش معناه انى خلاص هاقطع علاقتى بيكى
ومش هنكون اصدقاء تانى، بالعكس، انا بس بقيت كده معاكى عشان انتى معايا كمان كده..
وهترجعى تقولى انا كده من زمان، هاقولك كالعادة، انتى حرة..
واعرفى ان انا وباقى البنات متغيرناش او بعدنا عنك، انتى اللى اخدتى جانب عنا..
وتقدرى ترجعيلنا تانى، بس ارجوووكى شيلى من عقلك فكرة الكره والضغينة، لان ده مش حقيقى، دا اللى انتى شايفاه لوحدك بس..
بس اذا كنتى انتى اللى مش عايزة تعرفينا تانى، فدا موضوع مختلف تماما..
فى الحالتين، انتى حرة فعلا..

جانا~ ^^

بعض من اسباب سعادتى!!

رجعت تالت *ن*
حبيت اسجل لحظات سعيدة جديدة فى مدونتى الكاوايى :v ...
مش لازم افتكر اللحظات اللى تضايق، لازم افتكر اللحظات السعيدة اكتر...
ومن تلك اللحظات السعيدة..هى لما خرجت مع اصدقائى الاوتاكو يوم الجمعة الماضية.. 
فى الاول كنت حرانة وجعانة وعطشانة وحالتى ضايعة، لانى كنت صايمة وخارجة فى الحر وفضلت ساعة مستنية صاحبتى فى الشارع.. بس الحمد لله، وصلنا للمكان وكان الجو بارد ^^ بس جاتلى حالة من النعاس الشديد XDDD
ملحوظة: محدش يفكر ابدا ويقولى اننا نخرج فى رمضان، هاقلته!! انتو فاهمين!! XDDD
المهم، قابلت اصدقائى الاوتاكو *ن* ...احلى حاجة انك تقابل حد ليه نفس اهتماماتك وممكن تعبره عن مشاعركم الاوتاكوية مع بعض XDDD ...زى ما عبرت عن حبى لسيباستيان *3* 

اه ده سيباستيان!! ^__^ 

وكمان فضلنا نشوف مقاطع من انيمات كتير XDD كنا هنتفضح!!
وحانت اللحظة *ن* ...لحظة الافطار واخيرا *0*
بس افطار صينى، اه صينى، متخيل؟! XDD
اول تجربة ليا مع الاكل الصينى...
هو كان حلو، بس قلب على وقع، وبقعلى هدومى...
بس الاكلة كانت حلوة بردوا الصراحة...بس هى تتاكل لما مكنش صايمة، يعنى فى يوم عادى مش فى رمضان...
ودى كانت الوجبة، ومحدش يسأل هى عبارة عن ايه، لانى معرفش :v
انا جبت زى ما صاحبتى طلبت لنفسها بالظبط.. XDD

معرفش ليه نسيت اظبط الكاميرا قبل ما اصور، الصور كلها طلعت صفرا كده!!
كم انا باكا =3= !!
بس اليوم كان ممتع اوووووووووووووووووووووووووووووووووووووووووووووى
بس مش بحب اقول الكلام ده قدام العيال...شخصيتى بردوا XDDD
اخر صورة فى فقرة اليوم XD
هى الهاشى *0* ...اختى جبتلى هاشى على شكل مشبك...
السعادة الخارقة *^* ..هونتونى اريجاتو اونى-تشان!! *3* 

هاكل بمشبك الغسيل XDDD *بهزر*
بس هيبقوا اسهل من الهاشى الخشب اللى عندى.. هامسك الاكل بيهم بسرعة :v
الحاجات دى كلها تعتبر من الاسباب اللى خلتنى مبسوطة الفترة اللى فاتت...
اريجاتو اوكاسان *3* ..فى الاول والاخر انتى السبب فى سعادتى ودا اكيييد ^^ 

جانا~ ♫♫

عودة حميدة XD

Tadaimaaaaaaaaaaaaaaaaaaaaaaaaaaaaaaaaaaaa

  

رجعت تانى لمدونتى العزيزة ^^

طبعا مفيش حاجة فى مخى اكتبها :v

وبفكر اغير حاجة فى المدونة...

بس هاسيبها كده لغاية ما اشوف..

هارجع اكتب اى حاجة :v 

بس لما مخى يشتغل XDD

Tadaima